منتدي الانبا بيشوي
اهلا ومرحبا بك زائرانا الكريم نتمني لك قضاء اسعد الاوقات في شات القديس الانبا بيشوي حبيب المسيح

قصيده ست البنات للسيده العذراء البتول مريم من تأليف الدكتور بشرى عجبان Mora1010


منتدي الانبا بيشوي
اهلا ومرحبا بك زائرانا الكريم نتمني لك قضاء اسعد الاوقات في شات القديس الانبا بيشوي حبيب المسيح

قصيده ست البنات للسيده العذراء البتول مريم من تأليف الدكتور بشرى عجبان Mora1010


منتدي الانبا بيشوي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدي الانبا بيشوي
 
الرئيسيةأحدث الصوردخولالتسجيل

 

 قصيده ست البنات للسيده العذراء البتول مريم من تأليف الدكتور بشرى عجبان

اذهب الى الأسفل 
2 مشترك
كاتب الموضوعرسالة
beshoy manko

beshoy manko


عدد المساهمات : 11
تاريخ التسجيل : 25/07/2010

قصيده ست البنات للسيده العذراء البتول مريم من تأليف الدكتور بشرى عجبان Empty
مُساهمةموضوع: قصيده ست البنات للسيده العذراء البتول مريم من تأليف الدكتور بشرى عجبان   قصيده ست البنات للسيده العذراء البتول مريم من تأليف الدكتور بشرى عجبان I_icon_minitimeالإثنين فبراير 21, 2011 11:52 am

أمه كانت ولا بنته ؟
كان بيطعها وهي أمته ؟
كان بيأمر ولا يطلب ؟
ولا بنظرة تفهم طبيعته ؟

يا أمه وأمنا
حيّرتي عقلنا
كان ربك والضنى
طب كنتِ تصلي لمين ؟

كنتِ بتصلي له ؟
ولا بتصلي له ؟؟
وعنه تحكي له !
كان حمل ولا معين !!

كنت عارفة اللّي في ضميره
يوم ما همسك طيف عبيره
مصرختيش خوف من مصيره
كان فرحان ولا حزين ؟

كان بيقولك ماتخفيش
ولا كان بيقول حاعيش
ولما كان يغيب ما يجيش
كنت تخافي من الفريسين

كنت خايفة من الحراس
ولا عارفه إنه الخلاص
وأما قالوا اليوم خلاص
قلت لأ ولا أمين

وأم آن بيك الأوان
واللي خفتِ منه كان
وظنوا في موته الأمان
ماصرختيش هو ابن مين

كنت عارفه أيه حايصيبه
ولا سبتيه يقابل نصيبه
وأما عدا شايل صليبه
كلّمك ولا خاف م الجلادين

وأما نصبوله الصليب
والمسمار كان نار لهيب
والحربة والجلد الرهيب
والشوك المغروس عالجبين


كان في راسه ولا قلبك
وقد دمه، سال دمع حبك
ده ابنك الميت وربك
يعني له ومنه الحنين

ده حتى اللي أداهم الأمان
العرج ،الخرس ، والعميان
الكل كان خوّاف جبان
الكل مسكوله سكاكين

ده نكره صخرة الجبال
والتاني راح باعه بالمال
مبقاش غير يوحنا ع الشمال
وأنت واقفة ع اليمين

أمه كانت ولا بنته ؟
كان بيطعها وهي أمته ؟
كان بيأمر ولا يطلب ؟
ولا بنظرة تفهم طبيعته ؟

يا أمه وأمنا
حيّرتي عقلنا
كان ربك والضنى
طب كنتِ تصلي لمين ؟

كنتِ بتصلي له ؟
ولا بتصلي له ؟؟
وعنه تحكي له !
كان حمل ولا معين !!

كان بيبكي من الخيانة ؟
ولا من شدة أسانا
ولا من فرحة فدانا
ولابيبكي م الآلامات

ولا عشان الكل قسيوا
بعد ما تابوا رجعوا نسيوا
وبعد ما ع الشط رسيوا
غرقوا تاني في اللي فات

ولما فات م اليوم نهاره
وخلّص اللص اللي جاره
وداق من الخل ومراره
كان خلاص بطّل أهات

كان صموده للنهاية
أحلى من اعجاز وآية
وكان كفاية إن الحكاية
إنه ضحّى خلاص ومات

مات فوقيكِ وأنتِ واقفة
مات حاميكِ وبقيتِ خايفة
طب كنتِ مغمضة ولا شايفة
موت حبيب الذكريات

طب دموع عينك ماتكفي
ولا صبرك عمره هايشفي
وحياتك كلّها أبدا ماتوفي
دين العجايب والمعجزات

بس جنب دموع المودة
شفت في عيونك ياعدرا
شوكة طالع منها وردة
يعني الأمل جنب الضيقات

شوكة الآه والأنين
شوكة خوف غدر السنين
و وردة .. يعني حب وحنين
إنه قايم من الأموات

كنتِ عارفة إنه قايم
كنتِ حسباه بس نايم
وإن بعد قيامته دايم
بس راح في القبر بات

دي حكاية الأم الحنونة
اللي ليها في قلوبنا قونة
خلّفت رب المعونة
بس فضلت.{ست البنات}[/font]
الرجوع الى أعلى الصفحة اذهب الى الأسفل
Admin
Admin
Admin


عدد المساهمات : 1383
تاريخ التسجيل : 15/07/2010
العمر : 40
الموقع : ميلانو ايطاليا

قصيده ست البنات للسيده العذراء البتول مريم من تأليف الدكتور بشرى عجبان Empty
مُساهمةموضوع: تسلم ايديك يا سكر   قصيده ست البنات للسيده العذراء البتول مريم من تأليف الدكتور بشرى عجبان I_icon_minitimeالإثنين فبراير 21, 2011 12:01 pm

الرب يبارك حياتك يا بشبوشي وتجبلنا حجات جميله كتير
الرجوع الى أعلى الصفحة اذهب الى الأسفل
https://avabeshoy7.yoo7.com
 
قصيده ست البنات للسيده العذراء البتول مريم من تأليف الدكتور بشرى عجبان
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي الانبا بيشوي :: قسم قصائد واشعار-
انتقل الى: